LDK konfirmon se Qeveria mund të prishet: Kurti sot abuzoi keq me neve, është i papjekur

Anëtari i kryesisë së LDK’së, Skënder Hyseni ka thënë se kryeministri Albin Kurti sot ka treguar se i mungon pjekuria elementare për të ruajtur stabilitetin e Qeverisë, dhe se partia e Isa Mustafës do të dalë shumë shpejt me një qëndrim rreth kësaj, shkrun Gazeta Metro.

Kështu ka deklaruar ai në një lidhje direkte me Klan Kosova, ku ka thënë se ky është një vendim i papranueshëm i Kryeministrit Kurti.

“Kurti ka bërë një veprim tërëissht të papranueshëm, gjithsesi arbitrazh dhe t’ju them të drejtën edhe çuditërisht të paarsyeshëm. Aq më pak, kur marrëveshja për koalicion thekson qartë se asnjë ministër i LDK’së nuk mund të shkarkohet qartë pa dakordim të LDK’së.

Ky vendim vjëen kur shteti po përballet me një krizë të masave të jashtëzakonshme edhe është krejtësisht e papranueshme për LDK’në dhe natyrisht brenda një kohë, LDK do të marrë qëndrimin e duhur karshi këtyre zhvillimeve”, ka thënë ai.

Në fund, Hyseni ka pranuar se Kurti sot ka vënën në rrezik stabilitetin e Qeverisë.

“Kurti me këtë veprim të sotëm ka demostruar se i mungon edhe pjekuria elementare për të ruajtur stablitetin e Qeverisë, sidomos në këtë kohë kur vendit i duhet kjo. Ai ka abuzuar keq me konstrutivitetin e LDK’së dhe qasjen e saj.”, ka thënë ai.

Kujtojmë se pak më parë Zyra e Kryeministrit ka konfirmuar se Agim Veliu është shkarkuar nga detyra si Ministër i Brendshëm.

Kjo siç duket vjen pasi sipas Kryeministrit, ai ka dalur kundër qëndrimeve të Qeverisë lidhur me shpalljen e gjendjes së jashtëzakonshme, si dhe ka përhapur panik./gazetametro.net