LDK: Komunës së Podujevës i tepruan 2 milion euro në vitin 2023

Kuvendi i Komunës së Podujevës, ka mbajtur mbledhjen e rregullt, të cilën e udhëhoqi kryesuesi i Kuvendit, Hilmi Hoxha, e ku ishte i pranishëm edhe kryetari Komunës, Shpejtim Bulliqi, drejtorët e drejtorive, përfaqësues të KFOR-it dhe media.

Raporti Vjetor Financiar i Komunës së Podujevës për vitin e përfunduar më 31 dhjetor 2023 – Këtë raport e paraqiti drejtori i drejtorisë për Buxhet dhe Financa, Fatlum Osmani, e për të cilin raport u diskutua nga anëtarët e kuvendit të komunës nga të gjitha subjektet poltike

Asambleisti i Lidhjes Demokratike të Kosovës dega në Podujevë, Qendrim Softolli ka akuzuar pushtetin lokal se po mashtron me shifra, sepse realiteti është krejt ndryshe, njofton PodujevaPRESS.net

Ai ka thënë se ju jeni të dobët dhe të pa aftë për të menaxhuar me paranë publike. Nuk po flas as për 500 mijë e as për 1 milion por për 2 milion euro të mbetura suficit, ka thënë Softolli.

Softolli ka akuzuar se pushteti ka shpenzuar 20 mijë euro për dreka zyrtare gjatë vitit 2023.