LDK e VV me Rudarin e Bulliqin, por kush është kandidati i PDK-së për kryetar të Podujevës?

Lidhja Demokratike e Kosovës dhe Lëvizja Vetëvendosje kanë zyrtarizuar kandidatët e tyre për kryetar të Podujevës, pasi kjo komunë shkon në zgjedhje pasi që Agim Veliu u bë ministër i Punëve të Brendshme.

LDK-ja e Isa Mustafës do të tentojë ta mbajë të pathyer bastionin e saj me Nexhmi Rudarin që ishte zëvendës i Veliut në komunë.

VV-ja e sfidon LDK-në me ish-zyrtarin e kësaj të fundit, Shpejtim Bulliqi i cili do të mundohet ta rrëzojë nga fronti ish-partinë e tij në komunën nga vjen.

Por është enigmë ende se kush do të jetë kandidat i PDK-së për të sfiduar Rudarin e Bulliqin. Partia e Kadri Veselit ende nuk ka zyrtarizuar asnjë kandidat, shkruan Reporteri.net.

Kujtojmë se që nga paslufta Podujeva udhëhiqet nga LDK-ja. /Reporteri.net/.