Largohen qytetarët nga banesat e uzurpuara në Dardani, fajësojnë Shpend Ahmetin

Gazmend Muçolli, përfaqësuesit i banorëve tha para mediave se para kësaj qëndron kryetari i Prishtinës, Shpend Ahmeti dhe drejtori i Ndërmarrjes Publike Banesore, Nexhat Kryeziu.

Sipas tij, largimi i banorëve të cilët jetojnë në këto banesa që 18 vite po bëhet për përfitime personale të individëve të caktuar.

“Kryetari i Prishtinës, Shpend Ahmeti dhe Nexhat Kryeziu, drejtori i ndërmarrjes publike banesore janë prapa kësaj. Në këto banesa jemi futur në vitet 99 dhe prej kafshatës së gojës kemi nda para dhe jemi mundu për t’i bërë të banueshme”, ka thënë Muçolli.

Ai ka kritikuar partinë Lëvizja Vetëvendosje duke thënë se është munduar të paraqitet popullsitë gjë që sipas tij, nuk paska qenë ashtu.

“Këta po duan të përfitojnë ashiqare prej situatës. Këtë ndërtesë e ka ndërtuar Qeveria e Serbisë për të ikurit e luftës nga Kroacia, nga Bosnja dhe tash këtu po dojn të përfitojnë. Na nuk po kërkojmë lëmoshë por duam të na mundësojnë që nëse në një vend kemi jetuar që 18 vite, ne jemi të regjistruar si tatimpagues nëse nuk i takoj këtij vendi, jam tatimpagues i rregullt”, ka thënë ai. Sipas tij, kjo që po ndodh duhet të ndalet para se të ndodh diçka e madhe.Arbresh.info/