Lajmi i mirë për ata që blejnë automjete

Grupi Punues për Ligjin e Automjeteve e ka miratuar plotësim-ndryshimin e Ligjit për heqjen e mases ndëshkuese ndaj qytetarëve, të cilët janë obliguar të regjistrojnë nga e para automjetin e blerë.

Lajmin e ka bërë të ditur deputeti i Kuvendit të Kosovës nga radhët e AAK-së, Muharrem Nitaj. Sipas tij, tani me bartjen e pronësisë bartet edhe regjistrimi pa pasur nevojë të paguajnë taksa shtesë.

“Deputetët në shërbim të qytetarit, ky është misioni i tyre”, ka shkruar deputeti Nitaj në llogarinë e vet në “Facebook”.

Në Grupin Punues për Ligjin e Automjeteve, kalon nisiativa për plotësimndryshimin e Ligjit dhe hiqen masat ndëshkuese ndaj qytetarëve që sipas ligjit aktual, automjetin e blerë duhet ta regjistrojnë nga e para!
Shumë shpejt, ata me bartjen e pronësisë e bartin edhe rregjistrimin, pa pasur nevojë të paguajnë taksa shtesë.
Deputetët në shërbim të qytetarit, ky është misioni i tyre!
MN