Lajmi i fundit: Sulmohet Policia e Kosovës në veri

Zyrtarët e Policisë së Kosovës janë sulmuar sot në pjesën veriore të Mitrovicës. Saktësisht, ata kanë qenë duke vendosur një barkë patrulluese në Liqenin e Ujmanit në momentin kur janë sulmuar me armë zjarri.

Sipas policisë, kanë qenë afërsisht dhjetë të shtëna me armë zjarri.

“Të shtënat kanë qenë të njëpasnjëshme, nga pjesa tjetër e liqenit dhe kanë goditur afër barkës së policisë. Nga këto të shtëna nuk ka persona të lënduar”, thuhet në njoftimin e policisë.

E në asistencë të njësisë policore ka shkuar Njësia e Ndërhyrjes së Shpejtë e Policisë Kufitare.

Policia po vazhdon të vëzhgojë terrenin dhe ta trajtojë rastin.

Policia e Kosovës mbetet e përkushtuar në ofrimin e sigurisë dhe luftimin e kriminalitetit e me theks të veçantë të kontrabandës në atë zonë.