Lajm i mrekullueshëm: Sot në Kosovë nuk u shënua asnjë rast me koronavirus

Sot në Laboratorin e Mikrobiologjisë Molekulare në Institutin Kombëtar të shëndetësisë Publike të Kosovës (IKSHPK), janë testuar 16 mostra të dyshimta për koronavirus dhe të gjitha kanë dalë negative, shkruan Gazeta Metro.

Nga data 08 mars e këtij viti deri me sot 19 mars, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 335 mostra të dyshimta në virusin SARS-CoV-2  apo koronavirus dhe prej tyre, gjithsej njëzet raste (20) kanë rezultuar pozitive.

Në qendrën e thirrjeve deri më tash janë pranuar në total 2.597 thirrje, ndërsa vetëm në 24 orët e fundit janë pranuar 553 thirrje telefonike.

Ndërkaq IKSHPK ka njoftuar se po i përcjellë me vigjilencë të shtuar situatën epidemiologjike me COVID-19, po monitoron të gjitha rastet e kontakteve dhe atyre të cilëve u është rekomanduar për vetëizolim shtëpiak.

Më poshtë njoftimi i plotë i IKSHPK. /gazetametro.net