Lajm i mirë për Podujevën vjen nga Qeveria e Kosovës

Në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës, njofton PodujevaPRESS.net

Për këtë ka reaguar edhe i pari i Podujevës, Shpejtim Bulliqi. Ai ka shkruar një status ku ka thënë se:

MIRATOHET VENDIMI PËR THEMELIMIN E ZONËS INDUSTRIALE NË PODUJEVË

Në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.

Ky është njëri prej vendimeve më të rëndësishme pas çlirimit të komunës sonë; me vendimin e djeshëm është finalizuar puna disa vjeçare e shumë mekanizmave institucional që kanë punuar me përkushtim të lartë e të paepur për këtë ditë.

Zona Industriale është puna më e madhe që kemi bërë si qeverisje komunale për ta vendosur në binar të zhvillimit ekonomik komunën tonë. Ajo ka një sipërfaqe të përgjithshme prej 298314m2 dhe brenda kësaj sipërfaqe janë të planifikuara 52 parcela me sipërfaqe te ndryshme.

Binzeset do të jenë të veprimtarive të ndryshme prodhuese si (industri ushqimore, industri ndërtimore, industri të tekstilit etj).

Qëllimet kryesore të zonës Industriale janë: krijimi i një ambienti fizik me infrastrukturë përcjellëse për bizneset vendore dhe ndërkombëtare; tërheqjen e investimeve të reja, zgjerimin e kapaciteteve të ndërmarrjeve industriale ekzistuese, si dhe krijimi dhe ofrimi i mundësive të reja për qasje në tregun e punës. URIME TË GJITHË QYTETARËVE TË KOMUNËS SË PODUJEVËS!