Sulmuesi i Manchester City, Sergio Aguero, i ka shpëtuar lehtë një aksidenti shumë të rëndë në Holandë, raporton “The Sun”, transmeton Gazeta Express.

Argjentinasi ishte në koncertin e Malumas dhe pas përfundimit, është përplasur keq dhe ka shpëtuar falë rripit të sigurimit.

Raportohet se lojtari ka thyer disa brinjë dhe pritet të mungojë disa muaj.

Para koncertit, Aguero postoi në rrjetet sociale një foto me këngëtarin duke e falënderuar për ftesën.

Por, pak orë më vonë, duket se taksi që po kthehej në aeroport u përplas me një shtyllë.

Goditja ndodhi në Amsterdam, pranë një kalimi për këmbësorë.

“Airbagët” u hapën dhe nuk besohet të jetë e përfshirë ndonjë makinë tjetër ashtu siç duket në fotot e siguruara nga ky aksident. /Gazeta Express/