Ky subjekt politik prej sot është në koalicion me Agim Veliun në Podujevë

Nga sot Agim Veliu e ka kompenzuar mungesën e votës së Mrika Thaçit e cila kohë më parë kalojë në AAK, duke bërë marrëveshje me Ballin Kombëtar Demokrat, njofton portali PodujevaPRESS.com

Marrëveshjen e ka bërë publike kreu i këtij subjekti Gazmend Islami, duke publikuar një marrëveshje mes LDK dhe BKD në Podujevë. Ky subjekt politik ka një asambleist në komunën e Podujevës.

Interesant është fakti se sot një vitë u zgjodh kryesuesi i kuvendit Fatmir Gashi me votat e dy asambleisteve Donjeta Jakupi nga PDK dhe Tringa Sfishta nga AAK të cilat u përjashtuan nga partite e tyre për shkak se nuk ju binden subjekteve të cilat i zgjodhën asambleiste.

Burimet e PodujevaPRESS brenda grupit të LDK thonë se ka pakënaqësi të mëdha sidomos me katër (4) asambleist të cilët nuk kanë marrë trajtimin e duhur që ata kanë pritur nga Agim Veliu.

Largimi i Mrika Thaçit i ka shkaktuar probleme në asamble kryetarit të Podujevës.

Pas arritjes së kësaj marrëveshje Agim Veliu ka shkruar në faqen e tij në facebook: “Në cilësinë e kryetarit të Degës së LDK-së në Podujevë, me Ballin Kombëtar Demokrat në Podujevë, i përfaqësuar nga Avni Islami, nënshkruam marrëveshje bashkëpunimi programor në shërbim të qytetarëve të Komunës së Podujevës.

Bashkëpunimi në mes dy subjekteve politike ka të bëjë me harmonizmin e pikave programore që kanë të bëjnë me fushat e zhvillimit ekonomik lokal, arsimin, shëndetësinë dhe mirëqenien sociale, bujqësinë e zhvillimin rural dhe mbrojtje të ambientit, por edhe në fusha të tjera me interes të përgjithshëm”.

Ndersa për më shumë këto janë dokumentet që i ka publikuar kryetari i Ballit Kombëtar Demokrat i cili në profilin e tij ka shkruar: “Dy partitë e djathta, Lidhja Demokratike e Kosovës dhe Ballit Kombëtar Demokrat në komunën e Podujevës, arritën marrëveshja për bashkëqeverisje për 3 vitet e ardhshme në mes të dy subjekteve politike.

Qëllimi i kësaj marrëveshje është bashkëpunimi për avancimin e politikave që përshpejtojnë zhvillimin ekonomik dhe rritjen e mirëqenies sociale të qytetarëve të komunës së Podujevës”.