Ky është vendimi i Vetëvendosjes për koalicion me LDK-në, pas tërheqjes së Isa Mustafës

As pas tërheqjes së Isa Mustafa nga kandidatura për kryeministër, Vetëvendosje nuk e ka ndërmend të lidhë koalicion me LDK, shkruan GazetaBlic.

Kështu të paktën ka lënë të kuptohet Shkodran Hoti nga zyra për media e VV!-së , I cili në një prononcim për GazetaBlic ka thënë se sa i përketë koalicioneve parazgjedhore ka një vendim ku përjashtohen mundësit e koalicioneve me PDK-në dhe LDK-në.

“Në lidhje me subjektet tjera opozitare në parlament dhe atyre jashtë parlamentit, ende nuk ka diçka konkrete” tha Hoti për GazetaBlic.

Ndryshe, në përvjetorin e themelimit të LDK-së në Istog, kryetari i kësaj partie, Isa Mustafa ka thënë se nuk do të jetë më kandidatë për kryeministër.

Kujtojmë se para se kryeministri Mustafa të tërhiqet, VV kishte thënë se do të hynte në koalicion me LDK-në nëse Mustafa nuk do të ishte në krye të saj.