Ky është reagimi i ‘Coca Cola’ në Serbi pas taksës nga qeveria Haradinaj

Pas vendimit të qeverisë së Kosovës për vënien e taksës 100% edhe ndaj markave si ‘Coca Cola’ që prodhohen në Serbi, ka reaguar kjo e fundit.

Kompania gjigande që operon edhe në Serbi, ka reaguar menjëherë pas votimit për vendosje të taksës, shkruan gazetametro

Ata, për Blic.rs, ata kanë thënë se taksa ka ndikuar në biznesin e tyre. Ata kanë shtuar se do të bëjnë çdo përpjekje për t’u përshtatur.

“Ky vendim i papritur që është ndërmarrë sot, do të ketë patjetër një ndikim në biznesin tonë, por ne do të bëjmë çdo përpjekje për t’u përshtatur, sa të jetë e mundur” u shprehë ‘Coca Cola’.

Ndërsa ministri i Tregtisë Endrit Shala ka treguar pasi u votua taksa e re tha se për këtë vendim është konsultuar me vetë kompanitë.

“Arsyet të cilat na kanë shtyrë që t’i kemi ato marka në listë më nuk ekzistojnë. Para se ta marr këtë vendim jam konsultuar edhe me përfaqësuesit e këtyre kompanive, të cilët kanë filluar tash edhe tregun që e kanë furnizuar nga Serbia ta bëjnë përmes vendeve tjera të rajonit, Coca-Cola e kompani të tjera.

Ndryshe, masat e reja vijnë pak muaj pas rritjes në 100% të taksave ndaj produkteve serbe. Arsyetimi i qeverisë Haradinaj për masat ndaj Serbisë është lufta e shtetit serb kundër shtetësisë së Kosovës. Qeveria ka thënë se taksat nuk do të largohen deri Serbia ta njeh pavarësinë e Kosovës. /gazetametro.net