Ky është personi që bëri emblemën e FSK-së, është identike sikurse e një kompanie amerikane të sigurisë

Emblema e Forcës së Sigurisë së Kosovës, po del të jetë e ngjashme me logon e një kompanie private të sigurisë në Amerikë, por këtë emblem të Ushtrisë së Kosovës e dizajnoi artisti Albian Gagica, transmeton Gazeta Metro.

Duket se emblema që ai ka dizajnuar po del të jetë e kopjuar apo e njëjtë me atë të kompanisë private të sigurimit “AMERICAN PREMIER SECURITY”, kompani kjo që daton së krijuari që nga viti 2003, kurse dizajni nga artisti Gagica u bë me 2009.

Emblema e FSK’së

Emblema e America Premier Security

Kompania amerikane, që logon e ka si të FSK-së, është në pronësi të Antony Kavidel, e cila është me mbi 15 vjet përvojë pune e sigurie, që mbron një sërë biznesesh, banesash dhe ngjarjesh, transmeton Gazeta Metro.

Gazeta Metro ka provuar të kontaktojë Albian Gagicën por nuk ka arritur të marrë përgjigje.

Kujtojmë se logon ushtarake, përfshirë edhe stemat e tjera specifike për njësitet, Forcës së Sigurisë së Kosovës ia ka bërë kompania INIT, pronar i së cilës është Albian Gagica.

Më poshtë mund t’i shini disa foto nga kompania e amerikane e sigurimeve, ku stema apo emblema me Ushtrinë e Kosovës janë të ngjashme./gazetametro.net