Ky është i riu llapjan që humbi jetën sot në vendin e punës | Foto

Ka vdekur njëri prej personave të lënduar në vendin e punës në lagjen Hajvalia të Prishtinës, njofton PodujevaPress.

Lajmin e ka konfirmuar mjeku kujdestar, Agron Çitaku, i cili tha se personi ka qenë punëtor fizik dhe kishte rënë nga një lartësi mesatare.

Ai gjithashtu bëri të ditur se personi që ka vdekur është një 45 vjeçar nga Podujeva.

“Rasti i parë është ardh në ora 10:15 praktikisht pa shenja jete. Është i lindur në vitin 1977 dhe ka qenë punëtor fizik. Sipas shënimeve që kemi marrë nga përcjellësit, punëtori ka rënë nga një lartësi mesatare”, tha ai.

Burimet e tona kanë treguar se i riu që humbi jetën është Jakup Berisha.