Ky është asambleisti i cili u betua sot në Kuvendin Komunal të Podujevës | PAMJE

Zyra për Marrëdhënie me Publikun dhe Informim në komunën e Podujevës njofton se sot u mbajt mbledhj e rregullt e Kuvendit të Komunës së Podujevës, njofton PodujevaPRESS.

Në njoftim thuhet se Kuvendi i Komunës të Podujevës, në mbledhjen e mbajtur sot e ka dhënë betimin këshilltari komunal nga radhët e Partisë Demokratike të Kosovës, Pajtim Hodolli, që ka zëvendësuar këshilltarin e këtij subjekti politik, Arbër Blaku, i cili ka dhënë dorëheqje nga pozita e këshilltarit në Kuvendin e Komunës së Podujevës.

Asambleisti i ri komunal përmes një postimi në facebook ka falenderuar dhe njëherit ka premtuar se do të jetë zë i qytetarëve të Podujevës.

Ky është postimi i tij i plotë:

Të dashur qytetar,

Sot, u betova si anëtar i Kuvendit të Komunës së Podujevës nga radhët e PDK-së, ndonëse në gjysmë të mandatit, mirëpo me kohë të mjaftueshme për ta përmbushur besimin tuaj për reflektim në të mirë të shoqërisë së Llapit. Për mua ky është një kapitull i ri në sferën e kuvendit për të cilën jam munduar të punoj me përkushtim e vullnet, ashtu siç kam bërë deri më tani si qytetar aktiv dhe mësimdhënës i përkushtuar për gjeneratat e reja.

Unë si asamblist i ri, zotohem se çdoherë do të konsultohem me ju, në mënyrë që ta jap maksimumin e njohurive të mia në favor të përmbushjes së detyrave dhe përgjegjësive karshi interesave të qytetarëve të komunës sonë.

U jam mirënjohës për mbështetjen e juaj të vazhdueshme !