KVRL në Podujevë i ndanë pozitë dhe opozitë

Këshilli i Veprimit Rinor Lokal në seancën e së premtes i ka thelluar edhe më tej ndasitë politike të subjekteve pozitare dhe opozitare pjesëmarrëse në Kuvendin Komunal të Podujevës, njofton PodujevaPRESS.

Këshilli i Veprimit Rinor Lokal është organizatë e cila mbledhë rreth vetës aktivistë të OJ-ve lokale të cilat kanë për qëllim dhe mision ngritjen e dhe avancimin e çështjeve rinore e sociale, ndërsa çështje e tyre është e rregulluar me ligj ndërsa komunat e kanë obligim të ju sigurojnë kushte për veprim.

Mirëpo ajo që i ka ndarë qëndrimet e partitë politike në Podujevë, ka qenë pika e rendit të ditës në të cilin diskutohej kërkesa e KVRL në Podujevë për mbështetje financiare.

Shefi i i këshilltarëve të PDK-së, z.Rafet Llapashtica ka kërkuar sqarim nga drejtoresha për Kulturë Rini e Sport, Mrika Thaçi të ofroi informata shtesë se kur është mbajtur kuvendi zgjedhor i KVRL, si kusht ligjor dhe cilat OJQ  janë përfaqësuar në këtë kuvend.

Përderisa drejtoresha Thaçi kishte thënë se ” kuvendi zgjedhor është mbajtur në nëntor të vitit 2016, duke iu drejtuar z. Llpashtica se edhe ti ke mundur të jesh mysafir”, ka shtyrë të reagojë këshilltarin nga radhët e PDK-së, z Flakron Gashi i cili ka marr fjalën duke theksuar se KVRL në Podujevë është politizuar, duke aluduar se Kuvendi zgjedhor i KVRL-së ka qenë emërues e jo zgjedhor siç e kërkon ligji, andaj aty s’mund të ketë mysafir siç e potencoi drejtoresha Thaçi, por vetëm anëtarët e deleguar të të OJQ-ve.

Gashi më tej ka potencuar se komuna në këtë aspekt ka qenë e mbyllur duke u pamundësuar të gjitha OJQ-ve që veprojnë në komunën e Podujevës të jenë pjesëmarrëse në këtë kuvend.

Po ashtu edhe këshilltari nga radhët e VV-së ka akuzuar drejtoreshën Thaçi për paaftësi menaxheriale për të udhëhequr këtë sektor të rëndësishëm. /PodujevaPRESS/