Kuvendi i Komunës së Podujevës mbanë mbledhje të jashtëzakonshme
Anëtarët e Kuvendit të Komunës së Podujevës, të enjtën, pritet të miratojnë vendimin për bartjen e 125 mijë eurove me qëllim të menaxhimit të situatës së krijuar me koronavirus. Komuna e Podujevës në njoftim për publikun ka treguar se të enjten mbahet mbledhje e jashtëzakonshme e Kuvendit të Komunës, transmeton PoduevaPRESS.com
Ky është njoftimi:
NJ O F T I M: Të enjten mbahet mbledhje e jashtëzakonshme e Kuvendit të Komunës
Ju njoftojmë se më 02.04.2020 (e enjte) në orën 10:00, në Sallën e Teatrit të Qytetit “Avdush Hasan” mbahet mbledhja e jashtëzakonshme e Kuvendit të Komunës së Podujevës.
Për këtë mbledhje është propozuar ky:
REND DITE
Masat për parandalimin dhe luftimin e Corona Virusit COVID-19
– Informatë rreth aktiviteteve, masave dhe menaxhimit të situatës nga Corona Virus COVID-2019
– Propozim vendimi për ndarjen e mjeteve financiare në shumë 125,000.oo€, ndihmë qytetarëve në nevojë me pako ushqimore dhe higjienike.
– Propozimi i vendimit për lirimin nga taksa komunale e të gjitha Subjekteve afariste që ushtrojnë veprimtari në territorin e Komunës së Podujevës për vitin 2020
– Propozimi i vendimit për lirim nga pagesa e qirasë për të gjithë shfrytëzuesit e pronës Komunale për vitin 2020
