Kushtrim Shabani prishet me Llapin, i bashkohet Prishtinës

Njëri nga futbollistët më premtues të Llapit, Kushtrim Shabani nuk është më pjesë e këtij klubi. Mesfushori që ishte i pazëvendësueshëm këtë stinor te Llapi, është ndarë me klubin pas disa mosmarrëveshjeve, merr vesh Gazetasheshi.com.

Jozyrtarisht mësohet se vazhdimi i kontratës është bërë ‘mollë sherri’ që Shabani të largohet nga Llapi.

Ndërkohë, futbollisti menjëherë ka gjetur skuadër të re anipse nuk do të ketë të drejtë loje deri në edicionin e ri.

Mesfushori i Përfaqësueses U-21 të Kosovës i është bashkuar Prishtinës në stërvitje. Me gjasë, ai do të nënshkruajë për këtë skuadër dhe edicionin e ri do të paraqitet me fanellën e ekipit kryeqytetas.