Kurti “kushtëzon” opozitën: Pa i votu marrëveshjet ndërkombëtare nuk iu përgjigjem pyetjeve tuaja

Kryeministri Albin Kurti ka refuzuar të iu përgjigjet pyetjeve parlamentare të deputetëve të opozitës.

Në seancën e sotme parlamentare, e cila po mbahet vetëm për pyetje parlamentare, ai ka thënë se nuk do të iu përgjigjet pyetjeve të deputetëve që nuk po i votojnë marrëveshjet ndërkombëtare.

“Për shkak se nuk po i votoni marrëveshjet ndërkombëtare të gjithë deputetët që i bëjnë pyetjet nuk do ta keni përgjigjen time, edhe pse e kam tashmë të përgatitur. Duhet të jemi kolegë të të njëjtit shtetet, e jemi të të njëjtit shtet nëse bëhemi fjalë për mbrojtjen dhe përfaqësimin e interesit publik dhe shtetëror”, ka thënë Kurti.

Ai ka treguar se kur ka qenë në opozitë i ka votuar marrëveshjet ndërkombëtare.

“Nga 377 marrëveshje ndërkombëtare që unë kur isha opozitë parlamenatre kanë kalua këtu, vetëm tri prej tyre nuk janë votuar. 374 janë votuar. Rrjedhimisht atëherë kur do të jeni deputetë të Kuvendit të Republikës së Kosovës, vetëm atëherë unë do të përgjigjem në pyetjet parlamentare sepse sigurohem se behët fjalë për Parlamentin e Republikës së Kosovës. Nuk mund t`i besh pyetje parlamente kryeministrit dhe ta dëmtosh shtetin në masën e përgjithshme 360 milionë euro nga ajo dyzinë marrëveshjes ndëkombëtare të cilat ju refuzoni t`i votoni”, ka thënë Kurti.

Në këtë mënyrë, kryeministri Kurti ka refuzuar të përgjigjet në pyetjen e deputetes së AAK-së, Time Kadrijaj.