Kur hyjnë në fuqi masat anti-Covid që u miratuan sot?

Kur hyjnë në fuqi masat anti-Covid që u miratuan sot?

Qeveria e Kosovës sot ka miratuar masat e reja për mbrojtje nga pandemia COVID-19. Me masat e reja, parashihet zgjatja e orarit të lëvizjes dhe i gastronomisë. Por, kur do të hyjnë në fuqi këto masa?

Në fund të vendimit të Qeverisë thuhet se masat hyjnë në fuqi në momentin e publikimit të vendimit në Gazetën Zyrtare të Republikës së Kosovës. E vendimi tashmë është publikuar në gazetë, që i bie se këto masa janë në fuqi që nga sot, shkruan Express.

Me masat e reja, operatorëve ekonomik në zonën e kuqe iu lejohet të punojnë deri në orën 21:00, derisa ndalohet kufizimi i lëvizjes së qytetarëve nga ora 21:30 deri në orën 05:00.

Për komunat që gjenden në zonën me rrezik të mesëm do të zgjatet orari i punës së gastronomisë dhe qendrave tregtare nga ora 05:00 deri në orën 22:00.

Ndërkohë, në komunat që janë në zonën e gjelbër, operatorët ekonomik do lejohen të punojnë nga ora 05:00-22:00. Në të njëjtën periudhë lejohen të punojnë edhe qendrat e tregtare./Gazeta Express