Kujdes në doganën e Morinës, radhë të gjata

Rënia e sistemit në doganën e Morinës ka bërë që dhjetra drejtues kamionësh të presin me orë të tëra në mbi 2 km rradhë pritjeje të krijuara nga ky problem, për kryerjen e procedurave të çdoganimit të mallrave.

Drejtuesit e mjeteve shprehen se si pasojë e këtij defekti ata kanë humbur jo vetëm kohë, por edhe oraret kur duhet të dorëzojnë mallrat në tregje.

Gjithashtu drejtuesit e kamionëve thonë se faji është në doganën e Morinës pasi rënia e sistemit dhe scanimi bën që ata të presin me orë të tëra për tu futur në Kosovë, nga rradha e krijuar nga kamionët e rëndë që transportojnë mallra nga Shqipëria në Kosovë.