Podujevë: E rrah gruan në prezencë të punëtorëve të Qendrës për Punë
![Kryetari i partisë Guxo në Podujevë Shuajb Blakçori emërohet drejtor i Drejtorisë së Administratës](https://podujevapress.net/wp-content/uploads/2024/04/439246606_1081051283524574_394248490581713277_n-850x560.jpg)
Kryetari i partisë Guxo në Podujevë Shuajb Blakçori emërohet drejtor i Drejtorisë së Administratës
Me vendim të kryetarit të Komunës, Shpejtim Bulliqi është emëruar Shuajb Blakçori drejtori i Administratës Komunale, thuhet në njoftimin e kësaj komune, transmeton PodujevaPRESS.net
Shuajb Blakçori ka përfunduar studimet në Fakultetin Ekonomik në drejtimin Banka, Financa dhe Kontabilitet, ndërsa studimet e magjistraturës i ka përfunduar në drejtimin Ekonomi e Gjelbër dhe Zhvillim i Qëndrueshëm Ekonomik në South East European University.
Ka punuar si Menaxher në përfaqësinë e Renault për Kosovë, Menaxher në Kosmonte Foods, si dhe Analist i të dhënave statistikore në GIZ. Kryetari Bulliqi e ka uruar Shuajb Blakçorin për detyrën e re, duke i dëshiruar suksese e mbarësi në kryerjen e detyrave dhe përgjegjësive, si dhe i ka siguruar mbështetje e bashkëpunim të plotë, përfundon njoftimi por pa e përmendur se z.Blakçori është edhe kryetar i partisë Guxo dega në Podujevë.
Kujtojmë se ky subjekt nuk ka asamblesistë në Kuvendin Komunal të Podujevës.
![](https://podujevapress.net/wp-content/uploads/2024/04/438892853_755338146781456_2361782651659905887_n.jpg)