Kryetari i FFK-së vizitë në Komunën e Podujevës

Kryetari i komunës së Podujevës, Shpejtim Bulliqi, ka pritur sot në takim kryetarin e Federatës së Futbollit të Kosovës, Agim Ademi dhe nënkryetarin Agim Dibrani.

Në këtë takim kryetari Bulliqi e njoftoi kryetarin Ademi për zhvillimet e përgjithshme në Komunën e Podujevës, projektet dhe nismat e ndërrmara me qëllim të ndërtimit të një standardi të ri qeverisës.

Po ashtu, kryetari Bulliqi ka prezantuar projektet dhe investimet që komuna po bënë në ndërtimin dhe përmirësimin e infrastrukturës sportive në Komunën e Podujevës.

Ndërsa, kryetari Ademi e ka përgëzuar kryetarin Bulliqi për punët dhe projektet që po realizon me qëllim të krijimit të kushteve më të mira për qytetarët llapjanë.

Të dy palët ranë dakord që ekzekutivi lokal të angazhohet për gjetjen e hapësirave të përshtatshme për t’i krijuar mundësi FFK-së për investime në infrastrukturë sportive në Komunën e Podujevës.