Kryetari i Degës së LDK-së në Podujevë, Ekrem Hyseni, publikon listën e kandidatëve për deputet nga kjo degë

Kryetari i Degës së Lidhjes Demokratike të Kosovës në Podujevë, Ekrem Hyseni, ka publikuar sot listën e pesë kandidatëve nga Podujeva që do të garojnë për deputet në zgjedhjet parlamentare të 28 dhjetorit.

Hyseni theksoi se secili nga kandidatët është i dëshmuar në profesionin dhe angazhimin publik, duke shtuar se kjo listë përfaqëson “shpresën dhe të ardhmen e qytetarëve të Podujevës”.

Në njoftimin e tij, ai bëri të ditur emrat dhe numrat e kandidatëve:

• Arjeta Salihu Abazi – numër 27

• Visa Hoti – numër 65

• Qëndrim Softolli – numër 66

• Vezir Januzi – numër 67

• Ekrem Hyseni – numër 13

“Kjo është lista e shpresës, lista e së ardhmes sonë. Zgjedh shpresën, zgjedh LDK 123!”, u shpreh Hyseni.

Zgjedhjet e parakohshme parlamentare do të mbahen më 28 dhjetor 2025, ndërsa partitë tashmë kanë filluar prezantimin e kandidatëve dhe programeve të tyre elektorale.