Kryetari Bulliqi priti në takim Ministrin e Bujqësisë Faton Peci

Kryetari i Komunës së Podujevës, Shpejtim Bulliqi, priti në takim ministrin e Bujqësisë, Pylltarisë dhe Zhvillimit Rural, Faton Peci, ku diskutuan rreth projekteve dhe investimeve të përbashkëta në sektorin e bujqësisë.

Gjatë takimit diskutuan edhe për sistemin e ujitjes së tokave bujqësore, kulturat që dominojnë në regjionin e Llapit si dhe investimeve me potencial të zhvillimit të sektorit të bujqësisë.

Ministri Peci informoi kryetarin Bulliqi për procedurat e aplikimit për subvencione gjatë këtij viti që janë lehtësuar dhe aplikimi do të jetë në formë digjitale, ai gjithashtu kërkoi krijimin e një harte investive në sektorin e bujqësisë, me qëllim të orientimit të investimeve dhe projekteve që mund të realizohen në komunën e Podujevës.

Krytari Bulliqi dhe ministri Peci u dakorduan për bashkëpunim më të ngushtë duke parë sektorin e bujqësisë si një fushë me potencial të madh të zhvillimit ekonomik.

Në takim ishin të pranishëm edhe drejtori i Bujqësisë, Fatmir Rudari, drejtori i financave, Fatlum Osmani dhe drejtori i Inspeksionit Besnik Mulliqi.