Kryetari Bulliqi dhe Drejtori i Urbanizmit Bujar Hasani dalin në teren, premtojnë se sheshi do të realizohet brenda afateve të planifikuara |PAMJE

Kryetari i komunës së Podujevës, Shpejtim Bulliqi, përmes një njoftimi ka bërë të ditur se sot me drejtorin e planifikimit urban dhe mbrojtje e mjedisit, Bujar Hasani ka vizituar punimet në segmentin e dytë të Bulevardit “Dëshmorët e Kombit”, transmeton PodujevaPRESS.net

Ky është njoftimi i tij:

Gjatë ditës bashkë me drejtorin e planifikimit urban dhe mbrojtje e mjedisit, Bujar Hasani, si dhe drejtorin e shërbimeve publike, Fevzi Jetullahu, vizituam punimet në segmentin e dytë të Bulevardit “Dëshmorët e Kombit”.

Aty pamë nga afër përgatitjet për fillimin e punimeve dhe shpreha gatishmërinë e plotë të administratës komunale për t’i kryer të gjitha procedurat e nevojshme, që ky projekt të realizohet brenda afateve të planifikuara.

Punimet në qytet zakonisht përcillen me vështirësi për qytetarët, por edhe për bizneset, prandaj do të jemi të përkushtuar në mbikqyrje të dinamikës së realizimit të projektit dhe kualitetit të punimeve.