Kryesia e Kuvendit të Kosovës sot mban mbledhje. A do procedohet demarakacioni?

Gazeta Blic ka marrë vesh se mbrëmë pak para mesnatës, Sekretaria e Kuvendit i ka njoftuar anëtarët e Kryesisë për një mbledhje, e cila do të mbahet sot.

“Para 10 minutash anëtarët e Kryesisë dhe shefat e Grupeve Parlamentare i ka njoftuar sekretari për mbledhje të Kryesisë. Mbledhja do të mbahet nesër në ora 11”, tha ky burim mbrëmë në mesnatë.

Sipas këtij burimi, nuk dihet rendi i ditës e as ajo çka do të diskutohet në këtë mbledhje.

“Krejt çka i ka njoftuar sekretari, është se nesër ka mbledhje të Kryesisë”, thotë burimi i Gazetës Blic.

Ende nuk dihet nëse në këtë mbledhje do të procedohet demarkacioni, e cila shihet si esenciale, për vazhdimin apo mos vazhdimin e koalicionit PDK- LDK.

Zyrtarët qeveritarë nuk e kanë përjashtuar mundësinë që gjatë kësaj jave të procedohet marrëveshja për demarkacionin me Malin e Zi./Gazeta Blic/