Kryesia e Kuvendit pritet të vendos sot për seancën e nesërme

Sot pritet të mbahet mbledhja e kryesisë së re të Kuvendit për ta caktuar seancën për nesër në të cilën do të votohet qeveria e re e udhëhequr nga Ramush Haradinaj.

Mbledhja e kryesisë së Kuvendit pritet të mbahet pasi subjektet politike të koalicionit fitues të zgjedhjeve të caktojnë emrat për ministra të kabinetit të ri qeverisës.

Në ndërkohë ende po vazhdon mbledhja e kryesisë së PDK-së, ku po diskutohen emrat për ministra.

Përndryshe, seanca është paralajmëruar se do të mbahet nesër pasdite.