Kryeministri Mustafa edhe sot filloi ditën me lëvdata për Qeverinë

Kryeministri i Kosovës, Isa Mustafa edhe sot ka filluar ditën me të arriturat e qeverisë gjatë mandatit të tij.

Ai përmes një postimi në Facebook, ka thënë, se gjatë qeverisjes së tij janë rriti deri në 65% pensionet kontributdhënëse dhe 25% asistencën sociale, shkruan lajmi.net.

“Kjo Qeveri rriti deri në 65% pensionet kontributdhënëse dhe 25% asistencën sociale. Kjo Qeveri nisi dhënien e pensioneve për veteranët e UÇK-së, çështje e premtuar dhe e zvarritur 15 vjet. Përfunduam përgatitjet dhe fillojmë me sigurimet shëndetësore nga 1 korriku 2017. Mirëqenia sociale po rritet dhe do të ngritet”, shkruan kryeministri. /Lajmi.net/