Peci dorëzohet para presionit publik: Anulon grantet për këshilltarin e tij dhe
Krijohet peticion për shkarkimin e Presidentit Thaçi, në më pak se 9 orë nënshkruajnë më shumë se 3 mijë qytetarë
Peticioni që u krijua online para 9 orësh, gjatë natës qytetarët e Kosovës kanë votuar me të madhe. Peticioni u krijua për shkarkimin e Presidentit Hashim Thaçi, për shkak të shkeljes së Kushtetutës. Ky peticion u bë pas deportimit të gylenistëve në Turqi nga Kosova, vendim ky që po cilësohet si shkelje e Kushtetutës
Gjatë natës së të premtes, mbi 3 mijë qytetarë kanë nënshkruar peticionin për “Shkarkimin e Presidentit të Kosovës për shkak të shkeljes së rëndë të Kushtetutës”.
I krijuar nga gazetari Berat Buzhala, në faqen online ku mund të nënshkruajnë qytetarët, shkruan:
“Kosova, me Thaçin President, çdo ditë e më tepër është duke shkuar drejt një kaosi politik. Pa kurrfarë mandati, pa kurrfarë autorizimi, Presidenti Thaçi është duke zhvilluar takime sekrete me homologun e tij serb, rezultati i të cilave takime mund të jetë i leverdishëm për Thaçin si individ, por jashtëzakonisht i rrezikshëm për Kosovën si shtet, dhe për banorët e Kosovës si kolektiv. Thaçi, nominalisht simbol i unitetit, gjatë gjithë mandatit të tij të deritashëm ka përfaqësuar çdo gjë tjetër përveç unitetit të vendit. Ai si President është polarizues dhe antagonist. Ka fakte të besueshme që ai si President e ka shkelur rëndë Kushtetutën e vendit duke autorizuar kidnapimin dhe deportimin e shtetasve të huaj, për fatin e të cilëve tashmë nuk dihet asgjë. Ka fakte të mjaftueshme që Thaçi e ka shkelur rëndë Kushtetutën e Kosovës kur në bashkëpunimin me homologun e tij serb e ka inskenuar arrestimin e Milan Djuricit në veri të vendit.
Ky peticion i drejtohet deputeteve të Kuvendit të Kosovës që të nisin iniciativën për t’ju drejtuar Gjykatës Kushtetuese që Presidenti Thaçi të shkarkohet nga pozita që ai e mbanë”.
