Gjykata Supreme e Kosovës, ka obliguar Komisionin Qendror të Zgjedhjeve të bëjë certifikimin e kandidatëve për zgjedhjet lokale si; Zafir Berisha, Hazbi Bajra dhe Milazim Xani, shkruan Gazeta Express.

Ditë më parë KQZ njoftoi se do të ndërmarrë hapat e nevojshëm ligjor, sa i përket rastit të Zafir Berishës nga Nisma i cili ishte kandidat për kryetar në Prizren, sikurse edhe të Hazbi Bajrës, kandidat nga LDK-ja për anëtar të Kuvendit Komunal në Istog, dhe Milazim Xanit, kandidat i “Nismës” për anëtar të Kuvendit Komunal, në Fushë Kosovë.

Mirëpo, sot ky institucion, njofton se do ta mbajnë mbledhjen e radhës ku do të shqyrtohet rekomandimi për anulimin e decertifikimit të këtyre kandidatëve të subjekteve politike, e kjo pas vendimit të Supremes.

Në mbledhjen e KQZ’së do të shqyrtohen këto pika të rendit të ditës:

1.      Hyrje – znj. Valdete Daka, Kryesuese e mbledhjes së KQZ-së;

2.      Aktivitetet e Zyrës për Regjistrim të Partive Politike dhe Certifikim:

o   Shqyrtimi i Rekomandimit për anulim të decertifikimit të kandidatëve të Subjekteve Politike sipas vendimit të Gjykatës Supreme.

3.      Raport i Këshillave të KQZ-së:

Këshilli për Operacione Zgjedhore:

o   Shqyrtimi dhe miratimi i rekomandimit për rritjen e numrit të votuesve për vendvotime për zgjedhjet.

o   Shqyrtimi dhe miratimi i raportit përfundimtar për certifikimin e Listës së Votuesve për zgjedhjet lokale 2017.

o   Shqyrtimi dhe miratimi i zëvendësimeve për anëtar të KKZ-ve.

o   Shqyrtimi dhe miratimi i draft planit operacional të sigurisë për zgjedhjet lokale 2017.

o   Shqyrtimi dhe miratimi i Doracakut të Trajnimit për procedura të votimit dhe numërimit.

o   Shqyrtimi dhe miratimi i Fletëvotimeve dhe Broshurave për zgjedhjet lokale 2017.

        Këshilli për Informim Publik

o   Raporti i Këshillit Mbikëqyrës për Informim Publik.

o   Raport i aktiviteteve të realizuara për IP.