KQZ-ja nuk i certifikon zgjedhjet në Podujevë, parregullësi të shumëta

Komisioni Qendror i Zgjedhjeve mori vendim për certifikimin e rezultateve përfundimtare të raundit të parë të Zgjedhjeve për Kryetarë të Komunave. Rezultatet e këtyre komunave mbesin të njëjtat me ato që u shpallën një ditë më herët, më 28 tetor.

Në certifikim nuk janë përfshirë rezultatet përfundimtare të raundit të parë të Zgjedhjeve për Kryetarë të Komunave: Podujevë, Shtime, Ferizaj dhe Kllokot.

Sipas njoftimeve nga Paneli Zgjedhor për Ankesa dhe Parashtresa, në këtë institucion janë paraqitur ankesa për rezultatin përfundimtar në këto 4 komuna.

Por burime të PodujevaPRESS tregojnë se Podujeva do të marrë ende kohe pasi që ka shumë parregullësi.