KPMSHCK-ja e shfuqizon vendimin e Bulliqit dhe e kthen në punë Zyrtarin për Informim (DOKUMENT)

Këshilli i Pavarur Mbikëqyrës për Shërbimin Civil të Kosovës e ka shfuqizuar vendimin e kryetarit të komunës së Podujevës, Shpejtim Bulliqit, përmes të cilit e vendos Bujar Gimollin në “transferim të përkohshëm” nga pozita “Zyrtar i Lartë për Marrëdhënie me Publikun”.

Shpejtim Bulliqi zyrtarin për informim e transferon në Drejtorinë e Pronës dhe Kadastrit |DOKUMENT

Gimolli ka parashtruar ankesë më datë 08.07.2022, ndërsa më 22 gusht të këtij viti KPMShCK ka marrë vendim që ta anulojë vendimin e Bulliqit të datës 06.06.2022 dhe të njëjtin ta kthejë në vendin e tij të punës, njofton Klan Kosova.

Para këtij vendimi, për Ginollin ishte marrë edhe vendimi për transferim të përkohshëm në kuadër të Drejtorisë së Pronës Kadastrit dhe Gjeodezizë.

Në vendim thuhej se ky transferim bëhej për shkak të nevojave dhe vëllimit të madh të punëve në kuadër të kësaj drejtorie.

Ndryshe, pas vendimit të gjykatës, ky vendim ka afat 15 ditë që të anulohet.