Kosovarja më e suksesshme në Kroaci: pjesë e zyrës së Presidentës kroate Kolinda Grabar Kitaroviç (FOTO)

Kur flitet për shqiptarët që jetojnë jashtë vendi, sukseset dhe arritjet e tyre janë temë kryesore. I tillë është rasti edhe i një kosovarje e cila në moshën dy vjeçare ishte shpërngulur në Zagreb të Kroacisë së bashku me familjen e saj, ku shkaku i angazhimit të madh dhe dëshirë për sukes, ajo tanimë është pjesë e zyrës së Presidentës kroate Kolinda Grabar Kitaroviç.

Fjala është për Gentiana Fana, e cila po ashtu është pjesë e organizatës „Young European Council“ (Këshillin e të rinjëve të Evropës), shoqatës shqiptare në Kroaci, themeluese dhe anëtare e bordit të Klubit Diplomatik, ku është duke i kryer sutdimet e Shkencave Politike në Universitetin e Zagrebit.

Ajo gjatë një interviste ekskluzive për „Gazeta Blic“ ka treguar mënyrën se si ka arritur gjithë këtë sukses dhe ka treguar kontributin e saj për vendlindje që po e bën në kuadër të funksioneve që i ka.

Fana, ka vlerësuar se pasuria e Kosovës është numri i madh i të rinjëve që ka si dhe ka inkurajuar ata që të vazhdojnë rrugëtimin e tyre drejt realizimit të qëllimeve që kanë para vetës.

„Të rinjtë tonë ballafaqohen më shumë sfida mirëpo përkundër gjithë këtyre sfidave ata janë jashtëzakonisht të suksesshëm dhe sa i përket aftësive e diturisë që kanë, janë në të njëjtin nivel me të rinjtë në Evropë e ne disa aspekte edhe më të mirë. Këshilla ime është që të mos ndalen asnjëherë dhe që të luftojnë për qellimët që kanë”, ka thënë ajo.

Ndër të tjera, gjatë kësaj interviste kjo femër e suksesshme kosovare ka treguar edhe vështirësitë në të cilat i ka hasur dhe vazhdon t’i has në realizim të qëllimeve të saja.

Fana ka njoftuar se gjatë këtij viti do të jetë pjesë e Parlamentit Evropian, për të bashkëpunuar me eurodeputetët kroat.

Më poshtë mund ta gjeni intervistën e plotë:

Gazeta Blic: Për ata që nuk ju njohin, kush është Gentiana Fana, me çfarë mirret ajo, na tregoni një biografi të shurtër?

Fana: Që nga mosha dy vjeç jetoi në Zagreb, në Kroaci se bashku me familjen. Studioi në Fakultetin e Shkencave Politike në Universitetin e Zagrebit. Gjithashtu jam edhe anëtare e Këshillit të pakicës shqiptare në qytetin e Zagrebit dhe udhëheqëse e Këshillit për punë të jashtme në rininë e një partisë kroate. Që nga maji i këtij viti edhe zyrtarisht jam anëtare e Zyres se Presidentes Kroate, znj. Kolinda Grabar Kitarović.  Jam aktive edhe në shoqatat shqiptare dhe kryetare e Rrjetit të rinjve shqiptarë të Kroacisë dhe Sllovenisë. Në Fakultetin tim jam edhe themeluese dhe anëtare e bordit të Klubit Diplomatik.

Gazeta Blic: Si keni arritur të anëtarësoheni në organizatën “Young European Council” si dhe cili është roli jauj në këtë organizatë?

Fana: Në vitin 2016 isha përfaqsuese e Kroacisë në këtë konference ku kam punuar në krijimin e European Solidarity Corps. Pasi që isha mjaft aktive, organizatorët e kanë vërejt entuziazmin dhe aftësitë e mia dhe në shkurt të këtij viti me ftuan të bëhem pjesë e kësaj organizate. Pra, zyrtarisht jam menaxhere e Këshillit për Punë të Brendshme dhe roli im është që ta udhëheqi këtë këshill dhe të përzgjedhi të rinjtë nga Evropa të cilët do marrin pjesë në këtë konferencë me vlera të larta. Përveç përzgjedhjes se pjesëmarrësve, roli im është që të i trajnoj të gjithë ata dhe të i përgatis për konferencën e cila do të mbahet në tetor.

Gazeta Blic: Cili është roli juaj ne zyren e Presidentes Kroate?

Fana: Presidentja Kroate e ka formuar, për herë të parë në historinë kroate, Këshillin e të Rinjve ku jam anëtare dhe unë. Roli i ynë është që ta këshillojmë presidenten për çështjet e të rinjëve por edhe të organizojmë tryeza dhe konferenca të ndryshme që të diskutojmë për problemet kyqe të të gjithë të rinjëve në Kroaci. Përveç kësaj, roli që kemi është që ne emër të presidentës të bashkëpunojmë me institucione të ndryshme kroate që të zgjedhim problemet e të rinjëve.

Gazeta Blic: Me qenë se jeton dhe vepron në Zagreb të Kroacisë, sa e vështirë ka qenë për ty të arrish këtu ku je, marrë parsyshë që vjen nga njështet tjetër, pra Kosova?

Fana: Ka qenë dhe ende është mjaftë sfiduese. Për kundër faktit që jetoj në Kroaci që më shumë se 20 vjet, ende kam shumë sfida dhe më duhet të punoj shumë më shumë se sa një Kroat. Mirëpo, çdo person që jeton jashtë vendlindjes ballafaqohet me këto sfida të cilat janë të zakonshme.

Gazeta Blic: Cila ka qenë arsya që ju ka shtyer që të jeni përfaqësuese e Kroacisë ne shumë konferenca ndërkombëtare të organizuara?

Fana: Në fakt, arsya pse kam aplikuar në këto konferenca dhe pse kam punuar dhe vazhdoj të punoj aq shumë për vetën kanë qenë prindërit e mi. Ata që nga mosha e vogël më kanë mësuar që edukimi dhe investimi në vetvetën është i rendësishem dhe për atë arsye gjithmonë janë munduar të më tregojnë se sa me rendësi është të jem e pavarur. Çdo konferencë që kam marrë pjesë ka qenë investim në vetën time, në edukimin tim dhe në të ardhmën time dhe kjo është arsya pse vazhdoj të marrë pjesë në gjëra të tilla. Falë konferencave ndërkombëtare kisha fatin të shoh edhe disa nga vendet më të bukura të Evropes siç janë Strasbourg, Paris, Kopenhagen, Barcelona, Brukseli, etj. Kisha fatin të takoj edhe përsona të ndryshëm nga të cilët e kisha veçuar znj. Ulrike Lunacek. Mirëpo, gjatë pjesëmarrëjes sime unë nuk e përfaqesoj vetëm Kroacinë por edhe Kosovën dhe me plot zemër e tregoj prejardhjen time dhe bukuritë e pasuritë që i ka Kosova.

Gazeta Blic: Përkraheni nga shteti kroat për aktivitetet që bëni, na trego më shumë për raportet me juve?

Fana: Së pari përkrahem nga familja të cilët gjithmonë më mbështesin dhe të cilët me besojnë më shumë se çdo kush. Shteti kroat dhe institucionet më perkrahin dhe ndoshta shembulli më i mirë është bashkëpunimi më zyren e presidentës, me partitë politike në Kroaci si dhe institucionet e ndryshme. Bashkëpunimi më i mirë është me fakultetin ku studioi dhe ku kam një përkrahje të fuqishme nga shumë profesora. Në shtator do e përfaqësoj Kroacinë dhe Universitetin e Zagrebit në Konferencën ndërkombëtare të Studentëve të Shkencave Politike ku do e prezantoj punimin tim të lidhur me politikën në Kosovë dhe Kroaci. Urimet dhe këshillat e para i kam marrë nga profesoret e këtij fakulteti të cilët ishin më të kënaqur se unë me këtë pjesëmarrje. Shembulli tjetër i bashkëpunimit është edhe praktika në Parlamentin Evropian të cilën do e filloj gjatë këtij viti akademik dhe ku do punoj për eurodeputët kroat.

Gazeta Blic: A keni menduar që në të ardhmën të kontribuoni edhe për vendlindjen tuaj?

Fana: Që nga mosha e vogël deshira ime ka qenë që të kthehem një ditë në Kosovë sepse, edhe pse kam emigruar kur isha 2 vjeç, Kosova është vendlindja ime dhe asgje nuk mund ta ndryshojë këtë. Qellimi im tani është që të krijoj sa më shumë eksperience dhe njohuri jo vetëm me Kroacinë por edhe me Bashkimin Evropian. Kam dëshirë të kthehem një ditë dhe që të gjithë eksperiencën, mësimin dhe kontaktet e krijuara të i shfrytëzoj për të i ndihmuar dhe ofruar më shumë mundesi të rinjëve në Kosovë. Edhe pse mundohem ta prezentoj e ta përfaqësoj Kosovën sa më shumë shpresoj që kontributi im në të ardhmen do të jetë edhe më i madh.

Gazeta Blic: Si e shihni gjendjen e të rinjve në Kosovë, çfarë duhet të bëjnë ata që të jenë të suksesshëm sikurse ju?

“Kosova ka një pasuri që jo shumë shtete kanë dhe kjo është numri i madh i të rinjëve.”

-Gentiana Fana

Fana: Duhet të këtë hapësire për të rinjtë që kanë dëshirë dhe vullnet të kontribuojnë për të mirën e këtij vendi. Të rinjtë tonë ballafaqohen më shumë sfida mirëpo përkundër gjithë këtyre sfidave ata janë jashtëzakonisht të suksesshëm dhe sa i përket aftësive e diturisë që kanë, janë në të njëjtin nivel me të rinjtë në Evropë e ne disa aspekte edhe më të mirë. Këshilla ime është që të mos ndalen asnjëherë dhe që të luftojnë për qellimët që kanë. Do ballafaqohen më shumë sfida por me rëndësi është që këto sfida të mos i ndalojnë asnjëherë në drejtimet dhe qëllimet që kanë.