Kosova në proces zgjedhor: Dalja e votuesve deri në orën 11:00 në Podujevë

Sot në Republikën e Kosovës po mbahen zgjedhjet e rregullta, ku qytetarët po ushtrojnë të drejtën e tyre demokratike për të zgjedhur përfaqësuesit e rinj. Procesi zgjedhor po monitorohet nga një numër i madh vëzhguesish vendorë dhe ndërkombëtarë, të cilët po ndjekin nga afër mbarëvajtjen e votimit në të gjitha komunat e vendit, raporton PodujevaPRESS.net

Deri më tani, nuk raportohet për ndonjë incident të madh që do të ndikonte në rrjedhën e zgjedhjeve. Komisioni Qendror i Zgjedhjeve (KQZ) ka bërë të ditur se deri në orën 11:00, në Podujevë kanë votuar 9.58% pse 8,051

 qytetarë nga gjithsej 110 qendra të votimit.

Në nivel vendi, pjesëmarrja në votime deri në këtë kohë është 8.21% ose 161,778 nga gjithsej 2,530 qendra të votimit.

Procesi i votimit do të vazhdojë deri në orën 19:00, ndërsa rezultatet e para priten të publikohen pas mbylljes së qendrave të votimit. Qytetarët e Kosovës po shfrytëzojnë të drejtën e tyre demokratike, duke kontribuar në formësimin e institucioneve të reja për një të ardhme më të mirë.

Për më shumë informacione mbi zhvillimet e zgjedhjeve, qëndroni me ne.