Kosova merr dritën jeshile për Eurovision

Përderisa Shqipëria numron pjesëmarrjen e 13’të, Kosova ende nuk lejohet që të dërgojë këngën e saj në këtë garë.

RTK, ka raportuar sot se Kosova pritet të debutojë në Eurovision vitin e ardhshëm, pasi ka siguruar përkrahje nga Grupi i Referencave të Eurovision’it’, transmeton Gazeta Metro.

Grupi i Referencave i cili është organi më i lartë organizativ i festivalit, ka siguruar RTK’në se në rast se fiton një shtet që ka njohur Kosovën, në vitin 2018 edhe RTK’ja do të ftohet për pjesëmarrje në festival.

Ndryshe, Eurovisioni fillon sonte dhe do të transmetohet tri netë radhazi në televizionin publik. /gazetametro/