Kosova e pabarabartë në takimin e Brukselit: Lajcak ulet në anën e Serbisë, krahë Vucicit

Të enjten në Bruksel kryeministri Avdullah Hoti dhe presidenti Aleksandar Vucic kanë rifilluar dialogun mes Kosovës dhe Serbisë pas 20 muajsh ndërprerje, shkruan Gazeta Metro.

Me 16 korrik në Bruksel Hoti dhe Vucic u takuan dhe ulën në tavolinën e bisedimeve për të folur rreth çështjeve të pazgjidhura mes dy vendeve.

Por, ajo çka ka rënë në sy është vendi se ku është ulur Emisari Special i Bashkimit Evropian për dialogun Kosovë-Serbi, sllovaku Miroslav Lajcak.

Lajcak është ulur në anën e palës serbe, krah presidentit serb Aleksandar Vucic dhe përballë palës kosovare, ku kryesues ishte kryeministri Hoti.

Ky veprim i Lajcakut nuk i ka ikur as anëtarit të PDK’së, Enver Hoxhajt, i cili ka thënë ky ishte veprimi i parë i Kosovës që nga viti 2011 ku kryeministri kosovar qëndron ulur pa protokoll dhe i pabarabartë në Bruksel përballë Serbisë.

“Për herë të parë delegacioni i Kosovës pranoj dhe qëndroi i ulur pa protokoll dhe i pabarabartë në takimin në Bruksel, ku në anën e Serbisë ishte ulur Lajcak, kjo është foto e parë të një takimi jo bilateral në mes të kryeministrit të vendit nga të gjitha takimet qysh nga viti 2011”, tha Hoxhaj, transmeton Gazeta Metro.

Kujtojmë se rinisjen e dialogut dhe takimin në Bruksel e kanë kritikuar ashpër edhe partia opozitare Vetëvendosje dhe analistët e njohur vendas.//gazetametro.net