“Kosova do t`ia shoh hajrin prishjes së koalicionit PDK-LDK”

Deputetja e Kuvendit të Kosovës nga Lëvizja Vetëvendosje  Shqipe Pantina, thotë që Kosova nuk ka pasuar asnjë përfitim nga koalicioni qeverisës PDK-LDK dhe sa më herët që të shkohet në zgjedhje Kosova do t`ia sheh “hajrin”.

“Prishja e koalicionit mes PDK-LDK është problem i këtyre dy partive, por pasojat e krijimit të tij i ka vuajtur populli i Kosovës, sepse qysh prej krijimit të këtij koalicioni, pjese e së cilit ishte edhe Lista Serpska nuk ka pasur ndonjë zhvillimin pozitiv për një ndryshim thelbësor dhe mënyrë ndryshe të qeverisjes së vendit”, ka thënë Pantina për Gazeta Blic.

E sa i përket demarkacionit Pantina tha që ka kohë që kanë dhënë qëndrimin e tyre.

“Marrëveshja e nënshkruar nga Hashim Thaçi dhe Skender Hyseni e ka marrë përgjigjen e deputeteve të Kuvendit më 1 shtator të vitit të kaluar” u shpreh Pantina për Gazeta Blic.

Ndërkohë që janë shtuar zërat për prishje të koalicionit dhe shkuarjes së vendit në zgjedhje të parakohshme.

Sipas të gjitha gjasave fundi i muajit maj, apo fillimi i muajit qershor, do të jetë koha kur qytetarët e Kosovës do t’i drejtohen kutive të votimit./ Gazeta Blic