Konjufca Ministër i Jashtëm, çka ndodhi me Blerim Rekën?

Glauk Konjufca nuk do të mbetet pa pozitë shtëtrore. Pasi e lanë një muaj si Kryetar i Kuvendit, tash ai do të ketë një post të lartë në qeveri.

Burime të Reporterit kanë bërë me dije se Konjufca do të emërohet Ministër i Punëve të Jashtme. Në vendin e tij do të emërohet Vjosa Osmani.

E gjithë kjo rrokadë do t’i kushtojë dikujt tjetër, Blerim Rekës, shkruan Reporteri. I propozuari më herët për Ministër të Jashtëm, me gjasë nuk do ta ketë këtë pozitë. Nuk dihet nëse Kurti i ka premtuar atij ndonjë post tjetër apo e ka bërë është këtë ‘kurban’ të koalicionit. Reka, që kishte qenë ambassador i Maqedonisë, ishte pra vetëm 3 javë ministër në hije i Kosovës.

“Nga Lëvizja Vetëvendosje, unë si kryeministër i qeverisë së re, kam përzgjedhur: për zëvendëskryeministër të dytë të Qeverisë Haki Abazin, për ministre të Drejtësisë Albulena Haxhiun, për ministër të Punëve të Jashtme dhe Diasporë prof.

Blerim Rekën, për ministër të Financave dhe Transfereve prof. Besnik Bislimin, për ministër të Ekonomisë, Tregtisë dhe Industrisë Rozeta Hajdarin, dhe për ministër të Shëndetësisë dhe Sportit Arben Vitinë.

Le t’ia fillojmë punës për të mirën e qytetarëve, e sipas programit qeverisës tashmë të dakorduar. Unë zotohem se menjëherë pasi t’i kemi ata gjashtë emra, do ta sjell emrin e ministrit nga pakicat joserbe dhe atë të pakicës serbe, por edhe emrat e së paku 10 zëvendësministrave”, kishte thënë Kurti në një video më 6 Janar 2020.