Komuna e Prishtinës nuk respekton ditën e zisë për Bajram Rexhepin (Foto)

Në foton e realizuar nga Gazeta Metro,  shihet se kryetari i komunës së Prishtinës nuk ka respektuar vendimin e  presidentit që flamujt shtetëror të ngrihen në gjysmështizë në nderim të ish kryeministrit, derisa në Kuvendin e Kosovës është bërë kjo gjë.

Presidenti i Republikës së Kosovës, Hashim Thaçi, ka shpallur të martën, ditë zie në Kosovë, në nderim të ish kryeministrit të Kosovës, Bajram Rexhepi, që ndërroi jetë dje në Turqi pas një sëmundje të rëndë.

Me këtë rast ai ka marrë vendim që flamujt  shtetëror të ngrihen në gjysmështizë në të gjitha objektet shtetërore të Republikës së Kosovës, brenda dhe jashtë vendit.