Komuna e Podujevës siguron E-kioskun, por nuk vihet në shfrytëzim (Foto)

E-kiosku është një mëtodë e re e ofrimit të shërbimeve ndaj qytetarëve dhe pasijes së tyre me dokumente të gjendjes civile, ndërsa në Podujevë është siguruar kjo pasije por nuk po vihet në shfrytëzim, njofton PodujevaPRESS.

E-kisoku ka ditë që rrezitet në diellin përcëllues afër objektit të ri të kuvendit komunal të Podujevës, ndërsa është i dedikuar për t’i shërbyer qytetarëve  me pasjen e dokumenteve të gjenjdes civile, e këta të fundit  brengosen për mosfutjen në funksion dhe mundësinë e dëmtimit pasiqë është vendosur në ambient të papërshtatshëm dhe të pambrojtur.

Kërkesën për realizimin e këtij shërbimi përmes paisjes së ashtuquajtur E-kiosku edhe në komunën e Podujevës e kanë paraqitur disa herë në kuvendin komunal edhe shefat e grupeve parlamentare të dy partive opozitare, VV dhe PDK dhe së funsmi edhe anëtarë të shoqërisë civile.

Podujeva e ka zgjedhur modelin e njëjtë sikurse të komunës së Gilanit, ndërsa funksionalizimi i saj siç duket nuk është në prioritetet e organeve komunale. /PodujevaPRESS/