Komuna e Podujevës shënon 22 prillin – ditën ndërkombëtare të tokës

Kryetari i komunës së Podujevës Podujevës, Shpejtim Bulliqi, bashkë me drejtorin e drejtorisë së Arsimit, Avni Fetahu, drejtorë të shkollave, zyrtarë komunalë dhe nxënës shënuan ditën ndërkombëtare të tokës me aktivitete të ndryshme.

Në kuadër të 22 prillit-ditës ndërkombëtare të tokës, u organizuan aksione për pastrimin e tokës në shkollat fillore dhe të mesme. Gjithashtu në oborret e shkollave fillore “Shaban Shala” dhe “Naim Frashëri” është bërë mbjellje e drunjve dekorativ.

Kryetari Bulliqi u shpreh i lumtur rreth organizimit të aksioneve për pastrim të mbeturinave dhe vullnetit të mirë të nxënësëve të cilët ishin pjesë e aksionit.

“U gëzova që pashë entuziazëm nga nxënësit për pastrimin dhe ruajten e ambientit, i cili është jetik për shëndetin tonë”.

“Dita e tokës duhet të jetë çdo ditë, në mënyrë që të kontribuojmë secili prej nesh për një mjedis të pastër dhe të shëndetshëm”, tha kryetari Bulliqi.