Komuna e Podujevës punëson ata që janë me bachelor kurse i diskriminon ata që kanë master |DOKUMENT

Komuna e Podujevës po e vazhdon me avazin e vjetër, atë të pranimit në punë të atyre që kanë nivel të ulët të shkollimit apo vetëm diplomë të nivelit bachelor, duke i diskriminuar ata që kanë nivelin master, njofton portali PodujevaPRESS.com

Këtë e kanë vërtetuar së fundmi dy vendime të Këshillit të Pavarur Mbikqyrës për Shërbimin Civil të Kosovës, ku Komunës së Podujevës i janë anuluar dy pozitat e shpallura për pranimin e stafit.

Këshilli i Pavarur Mbikqyrës për Shërbimin Civil të Kosovës e ka rrëzuar konkursin e shpallur nga Komuna e Podujevës me dt. 02.07.2018 si dhe rekomandini i dt. 10.08.2018, për përzgjedhjen e kandidatëve të sukseshëm.

KPMSHCK-ja e obligon Kryetarin e Komunës së Podujevës për zabtimin e këtyre vendimeve në afatin prej 15 ditësh nga dita e pranimit të tij.

E rrëzimi i komnurseve ka ardhur pas ankesae të dy kandidatëve të cilët kanë nivel më të lartë shkollimi atë të nivelit master.

Ankesat ishin bërë lidhur me konkursin për pozitën “Zyrtar për Shërbime Sociale 2”, ku ankuesit i është bërë padrejtësi gjatë përzgjedhjes së kandidatëve. KPMSHCK-ja konstaton se kandidatja e pranuar nuk i ka plotësuar kritetet e parapara sipas ligjit, dhe i është bërë e padrejtë kandidatit tjetër.

Mediat lokale më heret kishin raportuar se pikërisht për këto pozita ishin pranuar akitvistë të LDK-së në Podujevë e që janë të lidhur me zyrtarët e kësaj partie, më konkretisht ata janë familjar të afërt të zyrtarëve sidomos personi me inicialet S.Sh.

Edhe gjatë vitit 2017 kemi raportuar se si Komuna e Podujevës punëson pa konkurs, siç ishte rasti me psikologen në Shkollën Fillore “Shaban Shala” I.M. që punoi si bashkëpunëtore profesionale- psikologe. Ajo ishte punësuar me një vendim të veçantë të Drejtorisë Komunale të Arsimit në Komunën e Podujevës, pa konkurruar fare. Ajo nuk i plotësonte dy kërkesat bazike të akteve nënligjore të Ministrisë së Arsimit pasi nuk e ka kualifikimin MA dhe bachelorin e ka të përfunduar në një kolegj privat i cili nuk ofron programe shkollore.

Nga dokumentet e ofruara për media nga kjo drejtori, I.M kishte të mbaruar në vitin 2014 studimet bachelor të psikologjisë në kolegjin “Fama”. Kualifikimi i saj është nën kërkesat minimale të udhëzimit administrativ të Ministrisë së Arsimit Shkencës dhe Teknologjisë.

Udhëzimi Administrativ i Ministrisë së Arsimit kërkon nivelin master për të punësuarit si psikolog.

Ndërsa ligji për Arsimin e lartë të Republikës së Kosovës thotë se vetëm të diplomuarit në UP mund të punojnë në shkolla si mësimdhënës.