Komuna e Podujevës pritet të marrë këtë vendim me shumë rëndësi për bizneset

Është mbajtur mbledhja e Komitetit për Politikë dhe Financa në Komunën e Podujevës, njofton zyra për informin, transmeton PodujevaPRESS.net

Në këtë mbledhje janë miratuar pikat e rendit të ditës dhe të njëjat KPF i ka përcjellë për shqyrtim në mbledhjen e rregullt të Kuvendit Komunal, e cila do të mbahet me 28 shkurt 2022.

Me kërkesë dhe propozim të anëtarit të Komitetit për Politikë dhe Financa z.Bashkim Syla, u përkrahë propozimi që në kuadër të rendit të propozuar të ditës të përfshihet edhe pika shtesë;

Propozim vendim për pezullimin e dispozitave të nenit 5 paragrafët 1.3; 2.3 dhe 4.4, nenit 6 paragrafi 4, nenit 7 paragrafi 2, nenit 9 paragrafi 1.3, nenit 12 paragrafi 2, nenit 15 paragrafi 2.4, nenit 16 paragrafi 2.3, dhe nenit 17 paragrafi 2 të Rregullores nr.prot.01-311/05-0007450/20 për orarin e punës së bizneseve në territorin e Komunës së Podujevës të datës 31 janar 2020, propozim vendim i njëjtë me atë të vitit 2021, me të vetmin ndryshim që pezullimi i neneve të cekura të bëhet deri në nxjerrjen e Rregullores së re./PodujevaPRESS.net/