Komuna e Podujevës mori këtë vendim për objektin që gjendet në Orllan

Kuvendi i Komunës së Podujevës ka mbajtur mbledhjen e rregullt, të cilën e udhëhoqi kryesuesi, Hilmi Hoxha, e ku ishte i pranishëm edhe kryetari i Komunës, Shpejtim Bulliqi, nënkryetarja e Komunës, Marigona Lahu dhe drejtorët e drejtorive, njofton PodujevaPRESS.net

Drejtoresha e drejtorisë për Pronë, Kadastër dhe Gjeodezi Bahrije Mehmeti gjithashtu prezantoi Propozim vendimi për ndryshimin dhe plotësimin e vendimi nr.prot.01-354/02-0087371/18 i miratuar në Kuvendin e Komunës së Podujevës më datë 02 nëntor 2018, ku theksoi “ që objekti, “Pushimorja për nxënës dhe fëmijë” të mbetur bonjak nga lufta e fundit në Kosovë, të ridestinohet objekt afarist (hotelier, shëndetsorë).

Asyeja e këtij ndryshimi është hapja e mundësive më të mëdha për shfrytëzimin e objektit dhe hapësirës së cekur për qëllim të interest publik dhe zhvillimit në rajonin e Orllanit.

Me 17 vota pro miratohet pika në fjalë.