Komuna e Podujevës merr vendim, stacioni i ri i autobusëve do të jetë këtu |PAMJE

Në afërsi të rrethrrotullimit tek “Shqiponja” në magjistralen Podujevë-Prishtinë pritet të fillojë ndërtimi i stacionit të ri të autobusëve në Komunën e Podujevës.

Kuvendi Komunal në seancën e fundit ka marrë vendim për caktimin e lokacionit për stacionin, e që është në pronën që dikur e kishte shfrytëzuar ish-ndërmarrja shoqërore “Fapol”.

Prona është e regjistruar në emër të Komunës së Podujevës.

Ndërtimi i këtij stacioni pritet të bëhet në bashkëfinancim ndërmjet Ministrisë së Zhvillimit Rajonal dhe Komunës së Podujevës dhe pritet të kushtojë rreth 1 milion euro.

Në të njëjtin vend në vitin 2017 ish-pushteti komunal kishte provuar të nisë ndërtimin e një palestre sportive, por ishte penguar nga zyrtarët e kompanisë që i ka privatizuar objektet e ish-ndërmarrjes “Fapol”.

Kjo hapësirë për dhjetë vjet rresht pas luftës ishte shfrytëzuar si terminal doganor.