Peci dorëzohet para presionit publik: Anulon grantet për këshilltarin e tij dhe
Komuna e Podujevës mban debat publik me qytetarë, por qytetarët të pa interesuar për pjesëmarrje (Foto)
Mbahet debati për organizimin e bashkëpunimit të Komunës me fshatrat dhe lagjet urbane, njofton PodujevaPRESS.com
Në Komunën e Podujevës është mbajtur debat publik me qytetarë për Propozim Rregulloren për organizimin dhe bashkëpunimin e Komunës me fshatrat, vendbanimet dhe lagjet urbane ne territorin e Komunës së Podujevës.
Debati publik me qytetarë, i thirrur nga Komuna e Podujevës, është udhëhequr nga Gëzim Namani – drejtor i Drejtorisë së Administratës.
“Para fillimit të debatit, ku ishin të pranishëm drejtorët e drejtorive të Komunës, përfaqësuesëve të fshatrave dhe qytetarëve të pranishëm u është shpërndarë Drafti i rregullores së propozuar“, thuhet në njoftimin e Komunës së Podujevës
Drejtori Namani tha se gjatë hartimit të rregullores në fjalë do ta kenë parasysh bazën ligjore në fuqi, që është Udhëzimi Administrativ i MAP-it, i cili rregullon këtë çështje.
Qytetarët e pranishëm edhe pse në numër shumë të vogël, në debat patën rastin të bëjnë vërejtjet dhe sugjerimet e tyre në lidhje me funksionimin më të mirë të fshatrave dhe evidentuan problemet, të cilat kanë qenë pengesë e funksionimit më efikas deri më tani
Për rregulloren në fjalë Komuna e Podujeveës në bashkëpunim me OSBE- në do ta realizojë edhe takime të tjera, me qëllim ta marrjes së propozimeve nga të gjitha palët e përfshira në këtë proces.
Në fund të debatit zyrtarët komunal u kanë bërë thirrje edhe përfaqësuesve të fshatrave, por edhe qytetarëve që ta shfrytëzojnë mundësinë e tyre që përmes e-mail adresave zyrtare të bëra publike, t’i dërgojnë propozimet e tyre lidhur Propozim Rregulloren për organizimin dhe bashkëpunimin e Komunës me fshatrat, vendbanimet dhe lagjet urbane ne territorin e Komunës së Podujevës, derisa ky dokument është në diskutim publik, deri më 03 shtator 2018. /PodujevaPRESS.com/
