Komuna e Podujevës ka vite që e ka blerë E-kioskun, por nuk vihet në shfrytëzim (Foto)

E-kiosku është një mëtodë e re e ofrimit të shërbimeve ndaj qytetarëve dhe pasijes së tyre me dokumente të gjendjes civile, ndërsa në Podujevë është siguruar kjo pasije nga viti 2017 por nuk po vihet në shfrytëzim, njofton PodujevaPRESS.

E-kisoku ka vite që rrezitet në diellin përcëllues afër objektit të ri të kuvendit komunal të Podujevës, ndërsa është i dedikuar për t’i shërbyer qytetarëve  me pasjen e dokumenteve të gjenjdes civile, e këta të fundit  brengosen për mosfutjen në funksion dhe mundësinë e dëmtimit pasiqë është vendosur në ambient të papërshtatshëm dhe të pambrojtur.

Kërkesën për realizimin e këtij shërbimi përmes paisjes së ashtuquajtur E-kiosku edhe në komunën e Podujevës e kanë paraqitur disa herë në kuvendin komunal edhe shefat e grupeve parlamentare të dy partive opozitare, VV dhe PDK por edhe anëtarë të shoqërisë civile.

Podujeva e ka zgjedhur modelin e njëjtë sikurse të komunës së Gjilanit, ndërsa funksionalizimi i saj siç duket nuk është në prioritetet e organeve komunale. /PodujevaPRESS/