Komuna e Podujevës ka një njoftim me shumë rëndësi për taksit ilegal

Inspektorët komunal vazhdojnë kontrollet tek takistë që operojnë në Komunën e Podujevës, thuhet në njoftimin e Komunës së Podujevës, transmeton PodujevaPRESS.net

Në njoftim thuhet se “Inspektorët e komunikacionit gjatë javës së kaluar në bashkëpunim me Policinë e Kosovës, përfunduan me sukses planin operativ i cili kishte për qellim vetëdijësimin e taksive ilegal që operojnë në Komunën tonë”.

Plani operativ ka filluar me datën 28.08.2023 dhe ka zgjatur deri më 01.09.2023. (Nga e hëna deri të premten). Gjatë këtij plani janë kryer 32 inspektime së bashku me policinë, janë dhënë 28 informata, janë shkruar 11 procesverbale si dhe janë shqiptuar 7 gjoba mandatore, vazhdon tutje njoftimi.

“Taksive ilegal që operojnë me vetura 4+1 si dhe atyre me kombi bus 8+1, u janë bërë me dije se cilat janë kushtet që ata duhet t’i plotësojnë për të ushtruar lirshëm veprimtarinë e tyre si dhe janë orientuar në drejtorinë gjegjëse për të aplikuar për leje”, thuhet në fund të njoftimit.