Komuna e Podujevës heq dorë nga Sheshi i Dëshmorëve?

Në seancën e jashtëzakonshme të Kuvendit Komunal e cila është mbajtur dje me të vetmen pikë të rendit të ditës “Ri-alokimi i buxhetit të komunës për vitin 2017”, mjetet e parapara për ndërtimin e Bulevardit dhe Sheshit të Dëshmorëve, “Zahir Pajaziti, Hakif Zejnullahu dhe Ilir Konushefci” i ka destinuar për projekte të tjera, njofton PodujevaPRESS.com

Partitë opozitare e kanë akuzuar komunën e Podujevës për dobësi menaxheriale dhe se për ta vendimi për ridestinimin e mjeteve të parapara ndërtimin e Bulevardit dhe Sheshit të Dëshmorëve, “Zahir Pajaziti, Hakif Zejnullahu dhe Ilir Konushefci” në projekte tjera kapitale në baza politike dhe duke ju shmangur listës së projekteve prioritare është e papranueshme.

Shuma e paraparë për ndërtimin e Sheshit të Dëshmorëve në bazë të vendimit të marr në vitin 2012, ishte 930 mijë euro, ndërsa Drejtori për Urbanizëm Durim Salihu e ka justifikuar këtë vendim më siç theksoi ai problemet me qështjet pronosore që janë paraqit rreth qendrës së qytetit.

Grupi i këshilltarëve të PDK-së dhe LVV-së ishin kundër, e po ashtu edhe dy nga tre asambleistët e AAK-së.

Shumë e përgjithshme e mjeteve të Ri-alokuara ishte mbi 1.3 milion euro apo 26 % e buxhetit të paraparë për kategoritë: Investime Kapitale dhe Mallra e Shërbime.

Vendimi për Ri-alokimin e mjeteve është aprovuar me 18 vota për dhe 16 kundër, ndërsa është mbështetur nga një asambleiste e AAK-së dhe një asambleistë i grupit G+./PodujevaPRESS.com/